Շատ լավ բանաստեղծություն…

Ոստիկանական լրատու

Ուշասրություն,

ևս մի հետաքրքիր տեղեկություն. –

20-րդ դարի վերջին, ժամը 16-ն անց 15 րոպեին,

հայ ժողովուրդը դուրս է եկել իր հայրենիքից

և այլևս չի վերադարձել…

Արտաքին նշանները` բազմադարյան,

բազմաչարչար,

տաղանդավոր, աշխատասեր, համբերատար,

աչքերի մեջ անսահման թախիծ,

սիրտը կոտրված մի քանի տեղից…

Տեսնողներին խնդրում ենք

շտապ հայտնել պառլամենտ,

որին մի քանի օրով ժողովուրդ է հարկավոր

նոր ընտրությունների համար…

Հովհաննես Գրիգորյան